Француската нуклеарна сила доживеа тежок неуспех на 5 мај и отвори прашања на кои ниту одбраната на оваа земја ниту нејзината политичка елита не ги даваат одговорите, ексклузивно објавува франускиот неделник “Ле Поен“.
На 5 мај во Бретања, на 20 километри од малото пристаниште Пенмарх, беше испукана ракетата М51. Не стануваше збор за вежба, уште помалку за објава на војна, туку за проверка на кредибилноста на двоецот на ракетата и нуклеарната подморница “Вижинал“.
Францускиот претседател, како што тоа би било во реалноста, беше тој што притисна на црвеното нуклеарно копче. Ракетата, наместо да покаже дека е достојна на довербата што и се дава, падна во морето. Многумина од жителите на пристаништето ја видоа испуканата ракета и ја слушнаа експлозијата.
Според набљудувачите, стануваше збор за проверка на системот за одбрана врз кој почива француската политика на разубедување, да се види дали функционира и да се види дали ќе одговори без грешка на заповедта на претседателот на државата.
Капацитетот на одбраната, велат набљудувачите, не е проблематичен и функционира. Но кредибилноста на француската одбрана е разнишана. И бараат одговори за испуканата ракета. Дали таа ќе може да профункционира и кога, дали ќе оди на поправка и колку таа би траела?
Ова е прв неуспех откако постои оваа одбрана. Од почетокот на употребата на нуклеарната подморница во 1971 година не било подготвувано испукување во реални услови на стратешко лансирање од подморница која се наоѓа во оперативна патрола. Тоа значи дека ракетата била ставена на подморницата и транспортирана во оперативни, реални услови како да се оди во вистинска операција. За да се дојде во вистинско испукување нуклеарниот оган требало да добие наредба за испукување.
Од тие причини претесдателот Франсоа Оланд бил лично вовлечен во операцијата и тој ги искористил кодовите за пристап до нуклеарниот оган.Тој давал инструкции преку класифицирани средства кои дозволуваат да се знае дека токму тој е зад командите пред се притисне на “црвеното копче“.
Во програмата на претседателот на тој ден, на 5 мај, нема споменато таква активност. Францускиот неделник “Ле Поен“ се прашува кој му објавил на престедателот дека операцијата не е успешна и како тој на тоа реагирал.
Според Министерството за одбрана станува збор за мал инцидент на политиката за одбрана која, потсетува “Ле Поен“ во 2013 година ќе чини 3,4 милијарди евра а нејзиното учество во воениот буџет постојано расте. Поради цената, кризата но и во време на нестабилност даночните обврзници треба да ја знаат вистината која никој се уште не им ја соопштил.