Бирото за внатрешна истрага на Организацијата на Обединетите нации открило сериозни пропусти во работењето на ООН со две фондации и неколку невладини организации, кои се однесуваат на случајот за поткуп во кој е вмешан и поранешниот претседавач на Генералното собрание, Џон Еш, кој беше на функцијата 2013-2014 година.
Доверливиот извештај со ревизијата направена од Бирото по наредба на генералниот секретар Бан Ки-мун го објавија дошле американските медиуми. Во него се опфатени обвиненијата против Еш и уште шест лица.
Ревизијата констатира дека ООН не ги проучувала доволно невладините организации пред да ги ангажира за заедничка активност.
Службеници на ООН патувале на сметка на тие невладини организации, кои им подарувале и iPad-и, а има и случаи на некоректно формулирани или коригирани документи.
Џон Еш е обвинет од федералните власти на САД дека претседавањето со Генералното собрание на ООН го претворил во „платформа за профитирање“ и оти примил мито од над еден милион долари.