Косовските Срби ќе протестираат против договорот за нормализација на односите меѓу Белград и Србија, кој денеска попладне во Брисел го потпишаа премиерот на Србија, Ивица Дачиќ и премиерот на Косово, Хашим Тачи, изјави за медиумите еден од лидерот на косовските Срби и заменик шеф на канцеларијата на српското министерство за Косово и Метохија, Крстимир Пантиќ.
Според него, во новиот документ фигурира воспоставување власта на органите на косовските Албанци во северниот дел од Косово каде што Србите претставуваат 98 отсто од населението.
Пантиќ изјави дека со договорот се овозможува функционирање на полицијат и судските органи во рамките на косовското законодавство, и тие нема да имаат никаква врска со српските органи на власта. Тоа, според него, претставува конечно повлекување на Србија од Косово.
„Ќе се консултираме со нашите сограѓани за натамошните чекори. Доколку тие се согласат, а јас сум уверен во тоа, нема да дозволиме тоа да се спроведува на теренот”, вели Пантиќ.
Тој упати повик до српскиот претседател Ивица Дачиќ да го посети Косово и таму да го објасни договорот потпишан во Брисел. Покрај тоа, Пантиќ, изјави дека во понеделник во Косовска Митровица ќе биде организиран голем митинг на кој ќе биде донесена одлука за формирање Скупштина (парламент) на северниот дел од Косово, пренесува макфакс.
Договорот за нормализирање на односите беше постигнат во петокот меѓу делегациите на Србија и Косово под покровителство на Европската унија во Брисел. Документот се состои од 15 точки, кои се однесуваат на определување на основните функции на заедницата на српските општини на Косово, кои беа парафирани по разговорите. Неговото потврдување во Белград и Приштина се очекува следните денови.