На Косово во недела се отворени избирачките места на кој првпат на целата територија, вклучувајќи го и српско мнозинство во северниот дел, 1,78 милиони гласачи ќе гласаат на парламентарните избори.
Предвремените парламентарни избори, според резултатите во анкетите би требало да победи Демократската партија (PDK) на актуелниот премиер Хашим Тачи.
На избирачките места на северно Косово забележливо е засиленото полициско присуство, пренесува Танјуг и додава дека 500 припадници на косовската полиција и обезбедува изборите, а доколку има потреба ќе ја имаат поддршката на полицијата на Еулекс и војниците на КФОР.
Нема многу држави во кои изборите се одвиваат како во Косово, каде речиси никој не се возбудува поради купување гласови или фалсификувани изборни списоци. Можно е одзивот да биде и над 100%, се вели во анализата на германската новинаска агенција ДПА, како што пишува Дојче веле
„Српското малцинство ги повлече своите закани за бојкот непосредно пред парламентарните избори“, објаснувајќи дека Србите не сакале да учествуваат на гласањето „поради косовскиот грб на избирачкото ливче“, но дека „под силен притисок од Беглрад, сега сепак се премислија“. Во анализата на ДПА натаму се вели:
„Но, тоа е само еден од многуте тешки проблеми во најмладата европска држава. Европската ‘куќа на сиромашните‘ важи за една од најкорумпираните земји во регионот. Иако премиерот Хашим Тачи, кој владее веќе 6 години, не успеа да и‘ даде полет на лошата економија, тој се‘ уште важи за еден од најпопуларните политичари.
За изградба на функционална администрација малку можеше да придонесе и најголемата мисија на ЕУ во странство – Еулекс. Но корупцијата, безбројните афери и сомневања за врски со мафијата не ја оптоваруваат само партијата на Тачи, ПДК. И втората по големина политичка сила во земјата, опозиционата ЛДК со Иса Мустафа на водечката позиција, важи за сомнителна во оваа насока. Неодамна беа уапсени десет членови на ЛДК во градската управа на Приштина поради обвинувања за корупција.
Оттука, не зачудува воопшто што на последните избори во 2010 година, околу 45% од избирачките кутии биле предмет на манипулации, проценува аналитичарот Наим Рашити. Затоа не е за чудење што двете најважни партии, и покрај силниот меѓународен притисок, ја спречија реформата на изборниот закон.
Јавна тајна е дека партиите, по правило, се зависни од мал број олигарси, кои со купување гласови и манипулации на избирачкиот список имаат поголемо влијание врз исходот на изборите отколку самите граѓани. Не се очекува дека на Косово и во иднина нешто темелно ќе се промени, со оглед на тоа што кандидатите за влез во парламентот се главно познати лица“, се вели, меѓу другото, во анализата на агенцијата ДПА и се заклучува: