Сите факти во врска со скандалот со медицински отпад покажуваат директна поврзаност со ВМРО-ДПМНЕ и криминалот на Никола Груевски, кој до денеска го брани Христијан Мицкоски, изјави Костадин Костадинов, портпаролот на СДСМ. Режимската ВМРО-ДПМНЕ, додаде тој, не само што го загрозувала здравјето на граѓаните и животната средина, туку преку нејзини кадри ја опструира истрагата за овој голем скандал. Обвинителката во предметот, посочи Костадинов, која два месеца се немаше изјаснето за истражната постапка, е кадар на ВМРО ДПМНЕ што го потврдуваат, како што рече, Сашо Мијалков и Гордана Јанкуловска во објавените бомби.
„Зошто обвинителката два месеца го криеше предметот од јавноста? – Зошто два месеца не е повикан сопственикот на „Еко клуб“, прашува Костадинов.
Костадинов притоа наведе дека Горан Ангелов, кој долги години беше директор на „Дрисла“ и дозволувал примање на несоодветно третираниот отпад, е, исто така, кадар на ВМРО-ДПМНЕ и кандидат за претседател на партијата.
„Јасна е поврзаноста на Сашо Јанакиевски со режимското владеење на Никола Груевски. Каква е поврзаноста на Јанакиевски со Ангелов и колку отпад пренеле во Дрисла ќе мора да утврди обвинителката избрана од нивната партија. Се покажува дека за Мицкоски и ВМРО-ДПМНЕ поважно е да се заташка случајот, откако се потврди дека со години ги труеле граѓаните“, истакна Костадинов и потенцира дека одговорност за аферата мора да има.