Премиерот Димитар Ковачевски во гостувањето во вестите на Канал 5 телевизија кажа дека во однос на лидерската средба, прес – конференцијата која беше одржана по лидерската средба била многу јасна – и на сите граѓани им е многу јасно дека беа променети позициите на ВМРО – ДПМНЕ.
-Прво, клучната позиција, потврдена и неколку пати после тоа она што беше неприфатливо за ВМРО – ДПМНЕ и нивниот претседател, влезот на деловите од бугарскиот народ во Преамбулата на нашиот Устав е прифатливо. Второ, потврден е легитиметот на оваа Влада кој тие го оспоруваа, бидејќи ВМРО – ДПМНЕ исто така на таа прес – конференција преку изјавата на нивниот претседател се сложи да биде дел од оваа Влада бидејќи има беа понудени половина од министерските места на СДСМ. Исто така, тие побараа ДУИ да не биде дел од Владата, ДУИ на прес конференција прати соопштение дека се подготвени да поддржат Влада без нивно учество, бидејќи за тоа се разговара и што е исто така многу значајно беше потврдено дека овој парламентарен состав може да носи одлука што исто така беше оспорувано претходно од партијата ВМРО – ДПМНЕ, рече Ковачевски.
Тој оцени дека со ова се исполнети сите услови за продолжување на дијалогот.
-Јас кога отидов на лидерската средба, отидов со јасен мандат на Централниот одбор на СДСМ. По лидерската средба ги информирав членовите на ЦО за она што би можело да го видат на прес конференцијата. ЦО формираше работна група која што ќе треба да седне и да ги договори деталите во однос на имплементацијата на тоа што беше договорено и јасно соопштено на лидерската средба. Сметам дека ВМРО – ДПМНЕ треба да биде посветено на процесот за да ја донесеме оваа одлука која значи подобра иднина за нашите граѓаните и за која што добиваме поттик, доверба и поддршка од страна на сите земји членки на ЕУ вклучително и телата на ЕУ, тоа се ЕК, ЕС и ЕП, кажа Ковачевски.