Ковид-19 во последните 24 часа во Македонија: Шест излекувани, 29 нови случаи

0
By on ПОЛИТИКА
Шест излекувани лица и 29 новозаболени е билансот на ковид-19 во земјата за последните 24 часа, информираат од Министерството за здравство (МЗ). Најмногу оздравени пациенти во последното деноноќие се забележани во Велес – тројца и по еден во Штип, во Гостивар и во Кочани.
Во изминатите 24 часа се направени 349 тестирања, при што се потврдени 29 нови случаи на ковид-19 и тоа во Скопје – 9, во Куманово – 1, во Прилеп – 6, во Тетово  -5, во Струга – 2, во Велес – 2, во Битола – 2 и во Охрид – 2.

Вкупната бројка на ковид дијагностицирани лица во нашата земја од почетокот на епидемијата изнесува 1.723, бројката на оздравени пациенти е 1.235, на починати е 95, а бројот на активни случаи во земјата во моментот изнесува 393. Последната дистрибуција по градови е следна

Скопје – 588, активни 138
Куманово – 411, активни 47
Дебар – 51, активни 0
Штип – 35, активни 1
Прилеп – 190, активни 62
Тетово – 126, активни 63
Струга – 69, активни 6
Велес – 111, активни 49
Битола – 25, активни 6
Охрид – 17, активни 2
Кавадарци – 5, активни 0
Гостивар – 19, активни 3
Гевгелија – 4, активни 0
Струмица – 2, активни 0
Крива Паланка – 6, активни 2
Радовиш – 4, активни 0
Крушево – 3, активни 0
Кочани – 31, активни 4
Пробиштип – 2, активни 0
Кичево – 2, активни 0
Неготино – 9, активни 5 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 1
Делчево – 1, активни 0
Валандово – 1, активни 1
Виница – 2, активни 0
Кратово – 2, активни 2
Берово – 1, активни 1

Направените 349 теста се преку Институтот за Јавно Здравје (ИЈЗ) – 211, преку Ветеринарен факултет – 27, преку „Авицена“ – 17, преку „Биотек“ – 34, преку Клиниката „Филип Втори“ (Жан Митрев) – 33, преку „Систина“, со PCR метода, – 10 и преку МАНУ – 17. Досега во земјата се направени вкупно 20.088 тестирања на ковид-19.

Во изминатото деноноќие на Клиниката за инфективни болести и фебрилни состојби се примени пет нови пациенти, а вкупно се хоспитализирани 42. На кислородна поддршка се 20 пациенти, на механичка вентилација се тројца пациенти.

Во ГОБ „8 септември“ се примени 11 нови пациенти, а вкупно се хоспитализирани 27. На респираторна машина се четири лица, три имаат потешка клиничка слика.

Во болницата во Битола се хоспитализирани три лица, на домашно лекување се следат уште двајца пациенти. Во болницата во Штип се хоспитализирани вкупно шест, нема повеќе пациенти кои се следат на домашно лекување. На инфективните одделенија во Тетово, во Велес, во Куманово и во Прилеп се хоспитализирани 49 пациенти, позитивни и сомнителни на ковид-19.

Share.