Четири смртни случаи, 200 нови пациенти и 15 оздравебни е ковид билансот ов земјата за последните 24 часа, информираат од Министерството за здравство (МЗ). Во изминатото деноноќие се направени 1.828 тестирања со позитивни резултати кај 65 лица во Скопје, 21 во Штип, по 14 во Куманово и во Гостивар, по 12 во Велес и во Тетово, по седум во Битола и во Кавадарци, по шест во Кичево и во Дебар, по пет во Струга и во Кочани, по четири во Охрид, во Радовиш и во Македонски Брод, по три во Прилеп, во Пробиштип и во Свети Николе, две во Демир Хисар и по едно лице во Струмица, во Крива Паланка и во Неготино.
Институтот за јавно здравје (ИЈЗ) денеска регистрира 15 оздравени пациенти и тоа од Велес – 2, од Битола – 6, од Демир Хисар – 1, од Македонски Брод – 1, од Кичево – 3 и од Ресен – 2.
Починати се четири пациенти – по еден од Скопје (возраст 70 години), од Гостивар (возраст 58 години), од Куманово (возраст 51 години) и од Македонски Брод (возраст 66 години).
Вкупната бројка на ковид дијагностицирани лица во нашата земја од почетокот на епидемијата изнесува 11.754, бројката на оздравени пациенти е 7.622, на починати е 523, а бројот на активни случаи во земјата во моментот изнесува 3.609. Дистрибуцијата по градови е следна:
Скопје – 5.116, активни 1.305
Куманово – 1.139, активни 267
Дебар – 216, активни 125
Штип – 944, активни 392
Прилеп – 344, активни 48
Тетово – 1.093, активни 208
Струга – 478, активни 195
Велес – 239, активни 30
Битола – 161, активни 71
Охрид – 298, активни 90
Кавадарци – 104, активни 82
Гостивар – 549, активни 313
Гевгелија – 24, активни 13 (*7 лица од ПЕ Гевгелија се жители на Дојран, 3 на Богданци)
Струмица – 40, активни 24
Крива Паланка – 26, активни 12
Радовиш – 33, активни 10
Крушево – 16, активни 7
Кочани – 113, активни 25
Пробиштип – 62, активни 20
Демир Хисар – 42, активни 31
Македонски Брод – 51, активни 40
Пехчево – 6, активни 0
Берово – 8, активни 4
Валандово – 7, активни 1
Виница – 28, активни 24
Делчево – 5, активни 4 (*4 лица од ПЕ Делчево се од Македонска Каменица)
Кратово – 14, активни 4
Свети Николе – 233, активни 121
Кичево – 188, активни 115
Ресен – 146, активни 17
Неготино – 31, активни 11 (*10 лица од ПЕ Неготино се жители на Демир Капија)
Направените 1.828 теста се преку ИЈЗ – 868, преку ЦЈЗ Скопје – 20, преку „Авицена“ – 162, преку „Биотек“ – 141, преку МАНУ – 95, преку Клиниката „Жан Митрев“ (Филип Втори) – 315, преку „Систина“ со PCR метода – 148, преку ЦЈЗ Битола – 61, преку Инфективна клиника – 8 и преку ГАК – 10. Досега во земјата се направени вкупно 113.619 тестирања на Ковид-19.
На Инфективната клиника во изминативе 24 часа се примени четворица нови пациенти. Вкупно се хоспитализирани 80 пациенти од кои 37 добиваат кислородна поддршка и ниту еден нема на механичка вентилација. Во болницата во Козле се хоспитализирани 14 возрасни пациенти позитивни на Ковид-19, четири деца позитивни и уште тројца пациенти суспектни на вирусот.
Во ГОБ „8 септември“ се примени девет нови пациенти, вкупно се хоспитализирани 74 од кои пет се поставени на респираторна машина. Во болницата во Битола се хоспитализирани 28 пациенти, а во болницата во Штип – 46. На инфективните одделенија во Тетово, во Охрид, во Велес, во Куманово, во Прилеп, во Гостивар, во Струмица и во Струга се хоспитализирани 123 позитивни и суспектни пациенти на Ковид-19.