Нови 20 заболени лица, 24 излекувани и еден починат пациент е ковид биланс во земјава за изминатото деноноќие, соопштуваат од Министерството за здравство (МЗ). Дваесетте нови пациенти се регистрирани преку 744 теста во последните 24 часа од кои во Скопје се 16 и по двајца во Куманово и во Прилеп.
Од МЗ информираат дека на Институтот за јавно здравје (ИЈЗ) денеска се забележани 24 оздравени пациенти и тоа во Скопје – 4, во Куманово – 3, во Прилеп – 5, во Тетово – 6, во Велес – 4 и во Битола – 2. Во ГОБ „8 септември“ почина пациент од Скопје на 63 годишна возраст кој бил примен на болничко лекување на 6 мај како сомнителен на ковид, а ден подоцна и потврден како позитивен.
Вкупната бројка на ковид дијагностицирани лица во нашата земја од почетокот на епидемијата изнесува 1.941, бројката на оздравени пациенти е 1.411, на починати е 113, а бројот на активни случаи во земјата во моментот изнесува 417. Последната дистрибуција по градови е следна:
Скопје – 701, активни 189
Куманово – 425, активни 26
Дебар – 51, активни 0
Штип – 38, активни 3
Прилеп – 208, активни 53
Тетово – 165, активни 70
Струга – 71, активни 4
Велес – 127, активни 45
Битола – 28, активни 7
Охрид – 21, активни 6
Кавадарци – 5, активни 0
Гостивар – 21, активни 4
Гевгелија – 4, активни 0
Струмица – 3, активни 1
Крива Паланка – 6, активни 1
Радовиш – 4, активни 0
Крушево – 3, активни 0
Кочани – 31, активни 0
Пробиштип – 2, активни 0
Кичево – 2, активни 0
Неготино – 10, активни 3 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 1
Делчево – 1, активни 0
Валандово – 1, активни 0
Виница – 3, активни 1
Кратово – 2, активни 1
Берово – 1, активни 1
Свети Николе – 1, активни 1
Направените 744 теста се преку ИЈЗ – 462, преку Ветеринарен факултет – 28, преку „Авицена“ – 38, преку „Биотек“ – 37, преку Клиниката „Филип Втори“ (Жан Митрев) – 38, преку „Систина“ со PCR метода – 22 и преку МАНУ – 119. Досега во земјата се направени вкупно 24.762 тестирања на ковид-19.
Од вкупниот број направени тестови во изминатото деноноќие, 355 теста се дел од скринингот. Тестирањата се направени преку Центрите за јавно здравје во Велес, во Кочани, во Куманово и во Скопје во градинки и во геронтолошки установи и не се регистрирани позитивни случаи на ковид-19. Досега со скринингот се направени 2.060 тестирања на ковид-19, а регистрирани се само два позитивни случаја на вработени во градинка во Битола и во Скопје. Сите останати резултати се негативни.
На Клиниката за инфективни болести и фебрилни состојби во изминативе 24 часа се примени четворица нови пациенти, хоспитализирани се вкупно 55 пациенти. На кислородна поддршка се 32, на механичка вентилација се две лица.
Во ГОБ „8 септември“ се примени 9 нови пациенти, а вкупно се хоспитализирани 20 пациенти. На респиратор се пет лица, a со потешка клиничка слика се уште тројца пациенти.
Во болницата во Битола се хоспитализирани пет пациенти, на домашно лекување се следат уште четворица. Во болницата во Штип се хоспитализирани пет пациенти, нема пациенти кои се следат на домашно лекување. На инфективните одделенија во Тетово, во Велес, во Куманово, во Прилеп и во Охрид се хоспитализирани 44 пациенти, позитивни и сомнителни на ковид-19.