Коронавирусот е детектиран кај нови 23 лица во изминатото деноноќие, девет пациенти се излекувани и забележан е еден смртен случај, информираат од Министерството за здравство (МЗ). Новите 23 случаи со ковид-19 се регистрирани преку 702 тестирања и во Скопје – 12, во Куманово – 4, во Прилеп – 2, во Тетово – 4 и во Неготино – 1.
Од МЗ истакнуваат дека на Институтот за јавно здравје (ИЈЗ) денеска се регистрирани девет оздравени пациенти од кои во Скопје – 3, во Прилеп – 1, во Струга – 1, во Велес – 3 и во Кочани – 1. Во ГОБ „8 септември“ утрово почина 47 годишен пациент од Тетово со хронични заболувања, кој бил примен вчера со симптоми на ковид-19, а денеска бил потврден како позитивен.
Вкупната бројка на ковид дијагностицирани лица во нашата земја од почетокот на епидемијата изнесува 1.921, бројката на оздравени пациенти е 1.387, на починати е 112, а бројот на активни случаи во земјата во моментот изнесува 422. Последната дистрибуција по градови е следна
Скопје – 685, активни 178
Куманово – 423, активни 27
Дебар – 51, активни 0
Штип – 38, активни 3
Прилеп – 206, активни 56
Тетово – 165, активни 76
Струга – 71, активни 4
Велес – 127, активни 49
Битола – 28, активни 9
Охрид – 21, активни 6
Кавадарци – 5, активни 0
Гостивар – 21, активни 4
Гевгелија – 4, активни 0
Струмица – 3, активни 1
Крива Паланка – 6, активни 1
Радовиш – 4, активни 0
Крушево – 3, активни 0
Кочани – 31, активни 0
Пробиштип – 2, активни 0
Кичево – 2, активни 0
Неготино – 10, активни 3 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 1
Делчево – 1, активни 0
Валандово – 1, активни 0
Виница – 3, активни 1
Кратово – 2, активни 1
Берово – 1, активни 1
Свети Николе – 1, активни 1
Направените 702 теста се преку ИЈЗ – 408, преку Ветеринарен факултет – 29, преку „Авицена“ – 38, преку „Биотек“ – 33, преку Клиниката „Филип Втори“ (Жан Митрев) – 39, преку „Систина“ со PCR метода – 28 и преку МАНУ – 127. Досега во земјата се направени вкупно 24.018 тестирања на ковид-19.
Од вкупниот број направени тестови во изминатото деноноќие, 365 се дел од скринингот. Направени се 136 тестирања преку ЦЈЗ Велес, 94 преку ЦЈЗ Кочани, 97 преку ЦЈЗ Скопје, сите во градинки и 38 тестирања на вработени во геронтолошки установи во Скопје и притоа не се регистрирани позитивни случаи на ковид-19.
На Клиниката за инфективни болести и фебрилни состојби во изминативе 24 часа се примени осум нови пациенти, хоспитализирани се вкупно 56 пациенти. Потешко болни и на кислородна поддршка се 32, крититчно болни и на механичка вентилација се двајца пациенти.
Во ГОБ „8 септември“ се примени шест нови лица со ковид-19, а вкупно се хоспитализирани 16 пациенти. На респиратор се пет пациент, a со потешка клиничка слика се уште шест.
Во болницата во Битола се хоспитализирани осум пациенти, а на домашно лекување се следат уште тројца. Во болницата во Штип се хоспитализирани пет пациенти и ниту еден не се следи на домашно лекување. На инфективните одделенија во Тетово, во Велес, во Куманово, во Прилеп и во Охрид се хоспитализирани 44 пациенти, позитивни и сомнителни на ковид-19.