Published: Sunday, November 5, 2017 10:36
Грчкиот министер за надворешни работи, Никос Коѕиас изјави дека Владата има намера да го реши спорот со името со Македонија. Тој додаде дека националната рана, која е отворена пред 26 години, треба да биде излекувана до 2018 година, пишува весникот Катимерини.
„Верувам дека прашањето треба да биде решено до првата половина на 2018 година“, изјави Коѕиас за весникот.
Според него, во спротивно ќе има „големи компликации“. Тој додаде дека по неговото решавање ќе останат „три-четири месеци бирократија во ОН “.
Според министерот, ова прашање треба да се реши до крајот на 2018 година, затоа што изборите ќе се одржат во следната 2019 година и тоа во Македонија и во Грција. Тој смета дека такви прашања треба да се решат во релаксирана атмосфера.