Шведскиот премиер Улф Кристерсон изрази надеж дека наскоро ќе пристигнат последните две верификации за членството на неговата земја во НАТО, и од самитот на НАТО во Вилнус им порача на турскиот и унгарскиот премиер дека верува оти сега се отстранети сите пречки.
– Се договоривме за заедничка изјава. Добро е познато дека Шведска по 200 години неврзаност бара заедничка заштита. Но, сакам и сите сојузници на НАТО да знаат дека ние обезбедуваме и сигурност што обезбедува заедничка безбедност. И ние сме тука на долг рок. Одлучни сме во борбата против тероризмот, одлучни сме во борбата против организираниот криминал. Така, мислам дека и Шведска има што да донесе на маса. Затоа, јас сум многу задоволен од резултатот вчера, и со нетрпение ги очекувам последните две ратификации. Позицијата на Шведска да има блиски врски меѓу Европа и Турција е добро позната. И сега промовираме поблиски економски врски, ја модернизираме царинската унија, обезбедуваме подобри визни регулативи и така натаму. И мислам дека има плодна почва за поблиска соработка. Мислам дека ќе се задржам на вчерашната формулација на Јенс Столтенберг „што е можно поскоро“. Мислам дека тоа обезбедува рамка за процесот што претстои. Неодамна разговарав со унгарскиот премиер, па се чувствувам многу сигурен во неговите изјави што ми ги даде, рече Кристерсон.
Тој делумно се осврна и на турските барања кои го поврзуваа членството на Шведска во НАТО со тоа на Турција во ЕУ.
– Мислам дека, како што реков, шведскиот став за соработка меѓу ЕУ и Турција е повеќедецениски, така што тоа не е ништо ново. И дури неодамна, ние во ЕУ се договоривме за формулацијата дека во текот на есента оваа година ќе ги рестартираме разговорите како да се врати подобрата соработка со Турција. Така, би рекол, ништо не е поради тоа, но добро е, изјави шведскиот премиер.
Техничкиот проблем за ратификацијата во парламентите на Турција и Унгарија ќе биде што и двата парламента се на летен распуст, па веројатно ќе треба да се почека уште малку на ратификацијата.