Шефицата на Меѓународниот монетарен фонд (ММФ) Кристин Лагард денес изјави дека намалувањето на грчкиот долг е неопходно за кредибилноста на европскиот план за помош на Грција. Но тоа значи исто така, рече таа, дека ММФ мора да учествува во целата операција.
Лагард смета дека Грција нема да може да го спроведе планот договорен со кредиторите минатиот викенд доколку долгот не биде намален.
Но точниот процент на намалувањето на долгот допрва треба да се одлучи а не е решено ни какви ќе бидат модалитетит на тој чекор.
Според Лагард, Грција треба длабоко да ја реформира својата економија и да и овозможи да расте со тоа што ќе одржува здрав буџет. Но исто така кредиторите треба да дадат пари и да го реструктураат долгот. За ММФ, само така може да има успех во заздравувањето на Грција и на целиот систем во еврозоната.
Првата жена на ММФ претпочита тоа да биде направено преку подолг период во кој од Грција нема да се бара да плати рата за враќање на долгот и да се намали процентот на каматите за да може долгот да стане поднослив.
Денес пратениците во германскиот парламент треба да го дадат гласот за европскиот план за помош на Грција и да и дадат дозвола на Ангела Меркел да учествува во понатамошните преговори со Грција.