Обвиненија против над 20 полициски службеници поднесе Обвинителството за гонење на организиран криминал и корупција за трагедијата што се случи во кочанската дискотека Пулс.
13 се гонат за смртта на 63-ца луѓе, а другите за други дела.
Во пријавите стои дека на 16. март 2025 година, дел од обвинетите, постапувајќи по наведениот план за акциска контрола во кабаре „Пулс“ во Кочани, не презеле соодветни мерки за заштита на присутните лица, ниту мерки за спречување на активирање на пиротехничката опрема на сцената, иако употребата на пиротехника не била пријавена во ПС Кочани. Како последица на несоодветните услови за работа во текот на акциската контрола, настанал пожар при што придонеле за настапување на смрт на 63 лица, а 223 лица се здобиле со тешки повреди.