Модниот креатор Томи Хилфигер беше меѓу првите од светот на високата мода што сфати дека и “обичните“ луѓе се желни за стил и квалитет, па неговото модно царство го прошири со голем број на разни модни додатоци достапни за поширок круг на потрошувачи.
Денес, неговото модно царство се проценува како едно од најпрофитабилните и вредно повеќе од 3 милијарди долари. Се разбира, самиот Хилфинер го негува беспрекорниот вкус и исклучителниот стил и кога е во прашање неговиот приватен живот.
Во 2010 година, тој и неговата втора сопруга Ди, купија луксузен стан во елитниот комплекс Плаза Хотел во Њујорк. Станот е во европски стил, исполнет со уметнички дела на познати автори. Некои од нив, како Енди Ворхол, на пример, самите му ги подариле на креаторот.
Цената на овој стан, се држи во тајност, но сигурно дека се приближува до сумата од 20 милиони долари, за колку што, Томи Хилфигер, ја продал својата куќа во Конектикат.
Овој креатор е познат како типично американски, но, својот дом избрал да го уреди во европски стил, со неколку исклучоци кои допринесуваат домот да го добие личниот печат на семејството Хилфингер.