Брендот „Лакост“ соопшти дека го менува познатото лого – крокодил, во лимитирана колекција во која на лого ќе стојат десетте најзагрозени видови на животни.
Колекцијата е направена така што ќе има толку поло-маички со лого на животното, колку што се преостанати во светот.
Калифорниска морска крава:
Се работи за цицач кој живее во морските води, со тежина до 50 килограми и должина до 1.5 метри. Според проценките на институтите кои се занимаваат со зачувување на животните, на светот има уште околу 30 калифорниски морски крави.
Желката од Мјанмар:
Оваа желка живее во слатките води а нејзино живеалиште е Мјанмар (или по старо Бурма) и затоа е позната како Бамарска желка. Најодговорен за нејзиното истребување е човекот. Во светот има уште околу 40 вакви желки.
Северниот спортски лемур:
Ова животно тежи околу 800 грама. Најприсутно е во сувите шуми во Северен Мадагаскар. Поради индустриското уништување на нивната природна животна средина, во светот има уште околу 50 вакви лемури.
Јавански носорог:
Јаванскиот носорог е ретко и тивко животно. Овие носорози, околу 70, живеат во Индонезија и се официјално заштитени во државата и не смеат да се ловат.
Као-вит гибон:
Овој вид на мајмун е најреткиот во моментов. Тежи од 5 до 10 килограми, но тоа не му претставува пречка за лесно да се движи од гранка на гранка. Најприсутен е помеѓу Кина и Виетнам, а ги има уште 150 во моментов.
Какапо:
Се работи за папагал кој не може да лета. Типичен е за Нов Зеланд а расте до 60 сантиметри. Во изумирање е затоа што тешко се размножува. Се проценува дека има уште 157 во животинскиот свет.
Калифорниски кондор:
Калифорнискиот кондор е најголемата птица во воздух во Америка. Има долго тело покриено со црни пердуви и ќелава глава. Ги има уште 231 ваква птица.
Саола:
Саолата може да се каже дека е срамежливо животно, тревопасно, кое живее на планините во Виетнам и Лаос, но поради индустриското ширење, загрозен е и нивниот опстанок.
На светот ги има уште 250 вакви животни.
Суматрански тигар:
Суматранскиот тигар е месојад кој може да тежи и до 100 килограми, а да биде долг и до 2 метри. Живее на териториите на Индонезија. Генетски се разликува од останатите тигри. Ги има уште 350 во светот.
Анегада Игуана:
Овој вид на игуана е автентична за Анегада на Британските Девствени Острови. Може да тежи до 6 килограми. Живее во тропските предели. Поради уништувањето на нивната животна средина тие се раселуваат, по што стануваат лесен плен за мачките и кучињата најчесто.
На светот ги има уште 450 вакви игуани.