Испораките на западно оружје за Украина значи дека НАТО „впрочем е вклучен во војна со Русија“, а тоа оружје за Москва ќе биде легитимна цел, порача рускиот министер за надворешни работи, Сергеј Лавров во ТВ интервју што се емитуваше вчера.
„Тоа оружје ќе биде легитимна мета на руското воено дејствување во контекст на специјалната операција. Русите сили во повеќе наврати гаѓаа складишта со такво оружје во западна Украина. Што друго? – НАТО е вклучен во војната со Русија преку посредник и го вооружува тој посредник. Војна е војна“, рече Лавров во разговорот за државната телевизија.
Рускиот шеф на дипломатијата му порача да светот да не ги потценува знајачните ризици за нуклеарен конфликт. Запрашан за важноста од избегнување на Трета светска војна и дали моментната ситуација е може да се спореди со кубанската криза од 1962 година, Лавров рече дека „ризиците сега се значителни. Не би сакал вештачки да ги зголемувам тие ризици, иако многумина би посакувале такво нешто. Опасноста е сериозна, реална и не смееме да ја потцениме“.