„Ми се чини дека бриселските манипулатори не сакаа да ни дадат уште една можност да ја потврдиме позицијата на Русија за Косово и БиХ во главниот град на Србија, но и да изразиме поддршка за иницијативата Отворен Балкан, која е во интерес на сите земји во регионот“, заклучи Сергеј Лавров на прес конференцијата по повод спреченоста да пристигне во Белград.
Шефот на руската дипломатија Сергеј Лавров оцени дека е срамно и незамисливо да се спречи неговата посета на Србија и порача дека никој нема да може да ги уништи односите на Москва со Србија.
„Се случи нешто незамисливо, тоа ги одзема правата на една суверена држава да води надворешна политика, ги блокира меѓународните активности на Србија кон Русија“, рече Лавров на онлајн прес – конференцијата. Тој посочи дека ова е уште една очигледна демонстрација за тоа до каде се НАТО и ЕУ подготвени да одат на употреба на најстроги средства со наметнување на сопствени правила во меѓународното право.
Лавров ги нарече понижувачки, медиумските наводи кои неговата посета на Белград ја оценија како пресретнувачка на најавената посета на германскиот канцелар Шолц.