Герасим Лазов: Веќе видено и прочитано сценарио. Секогаш кога ВМРО-ДПМНЕ ќе се најде во тесно, кога во јавноста ќе испливаат нивните матни бизнис зделки од типот на релациите на Мицкоски со Адамовиќ и слични криминални шеми и одеднаш, како по команда, се појавува некој наш „загрижен другар“.
Наместо сите заедно да удриме по криминалот на власта, овие „дежурни критичари“ одлучуваат дека токму тој момент е идеален за напад врз сопственото раководство. Одеднаш, партијата им се движела во „погрешна насока“.
Кој за кого одработува?
Не треба да си политички експерт за да ги поврзеш точките:
-Синхронизација: Нападите секогаш коинцидираат со аферите на ВМРО-ДПМНЕ.
Дефокусирање: Наместо да се зборува за нивните профити, се прави вештачка криза кај нас.
Уцени: Очигледно е дека овие ликови се или дебело платени, или уценети со нешто што ВМРО-ДПМНЕ го чува во фиока.
Ова не е случајност, ова е одработување. Овие луѓе не се конструктивна критика, тие се „тројански коњи“ кои служат како штит за криминалот на Мицкоски.
Крај на толеранцијата
Партијата повеќе не смее да биде заложник на лични интереси и уценети поединци. Време е да се ослободиме од тој товар. Не можеш да се бориш за подобра иднина додека во сопствените редови имаш луѓе кои се на директна линија со оние против кои наводно се борат.
Или си со членството, или си со криминалците на ВМРО-ДПМНЕ. Средна линија нема.
Извор: Фејсбук