Лего повеќе нема да се рекламира во медиуми кои промовираат “омраза, дискриминaција и демонизација”, соопшти денес познатата компанија која со децении произведува играчки за децата.
За почеток Лего најави дека нема да се рекламира во британскиот медиум “Daily Mail”:
“Го прекинавме нашиот договор со “Daily Mail” и не предвидуваме идни промотивни активности во овој весник”, соопшти Лего денес.
“Daily Mail” е медиум кој во повеќе наврати имал расистички и хомофобни насловни страни. Оваа одлука на Лего доаѓа по кампањата Stop Funding Hate (Престанете да ја финансирате омразата), кампања која повика повеќе големи фирми како John Lewis, Sainsbury, Marks & Spencer или супермаркетот Lidl барајќи од нив повеќе да даваат пари од нивниот буџет за реклами во медиуми кои промовираат “омраза, дискриминација и демонизација”.
Освен “Daily Mail” кампањата се однесува и на таблоидот The Sun.
Минатата недела еден татко напиша отворено писмо до Лего кое се прошири на социјалните мрежи во кое тој рече дека насловите на “Daily Mail” се во спротивност со вредностите што ги споделува Лего:
“Лего отсекогаш за мене беше инклузивен производ. Вредности кои ги бришат границите помеѓу половите, кои ја градат имагинацијата на децата и довербата кои треба децата да ја имаат во себе”, напиша таткото на 6годишен син. За него овој медиум креира недоверба кон странците, ги обвинува мигрантите и хомосексуалците.
Овде можете да го прочитате писмото на англиски јазик.
Лего е првата компанија која одговори на барањата на кампањата Stop Funding Hate.