Лекари во Појасот Газа донираат сопствена крв за да спасат пациенти, откако израелските војници убија десетици Палестинци кои се обидуваа да соберат храна, објави денеска „Лекари без граници“.
Околу 100 вработени во „Лекари без граници“ протестираа пред седиштето на ОН во Женева против системот за дистрибуција на помош во Газа, управуван од приватна компанија поддржана од Израел, Хуманитарната фондација Газа.
„Луѓето имаат потреба од основни работи за да живеат, им е потребна и достоинствена помош“, изјави извршниот директор на лекари без граници на Швајцарија, Стивен Корниш, на протестот.
Ако се плашите за вашиот живот, трчајќи со пакети во раце… ова е нешто што е сосема над се што сме виделе досега“, рече тој. „Овие напади убија десетици… Тие беа оставени да крварат на земја.
Корниш рече дека персоналот во една од болниците каде што работат Лекари без граници морал да дава крв бидејќи повеќето Палестинци сега се премногу лошо нахранети за да донираат.