Користењето на маслото од канабисот се повеќе наоѓа примена во медицината во Македонија.
Се поевидентни се доказите и истражувањата во светски рамки за лековитите дејства на канабисот.
Користењето на канабинол кој е екстракт од канабисот во голема мера може да послужи во лекувањето кај епилепсијата, како и да им помогне на онколошки болни деца.
-Во Македонија се зголемува бројот на деца заболени од аутизам. Канабоилот кој нема психотропно дејство и не прави зависност ќе може да им помогне на тие деца да ги избегнат нападите на бес, од друга страна пак не предивикува нус- појава“ вели Доц. д-р Аспазија Софијанова.
Канабисот си ја пронашол својата примена и во лекувањето на хронична болка .
-Таа е многу честа кај пациентите на ревматологија и аналгетиците и лекови за воспаление по некое време немаат ефекти вели Асс.д-р Филип Гучев.
Реномирани лекари специјалисти на втората науча дебата за употреба на канабисот зборуваа за медицинското користење на канабисот и неговите придобивки од здравствена перспектива.
На денешната трибина, во просториите на Кино Култура, зборуваа Асс, Др. Филип Гучев специјалист реуматолог, Др. Дарко Костовски специјалист психијатар, Др. Сци Нико Беќаровски специјалист токсиколог, Доц. Д-р Аспазија Софијанова специјалист педијатар и Др. Игор Стојковски специјалист онколог.
Дебатата ја организираше Здружението за канабис и зелени политики Билка Скопје.
Целта е да се подигне свеста на граѓаните и останатиот медицински персонал за уботреба на оваа билка во процесот на лекување.