Лестер му врачи отказ на менаџерот Крег Шекспир. Причина е лошиот вовед во новото издание на Премиерлигата во која сензационалниот англиски шампион од 2016 година има само една победа, три нерешени исходи и четири порази. Кредитот кај клупското раководство го потроши по ремито (1:1) на домашен терен против ВБА и стана втор тренер на Островот кој загуби работа во тековната сезона по Франк де Бур во Кристал палас.
Шекспир го презеде кормилото на „лисиците“ во февруари во оваа година и ги предводеше во 26 натпревари. Најголем дел од нив беа во минатата сезна во која го избави тимот од „Кинг Пауер“ стадионот од опасната зона на табелата. Но, во оваа го совлада само Брајтон (2:0) на 19 август по што врза шест средби без победа што го смести Лестер под линијата за опстанок, а за управата сигнал дека е време за разделба со наследникот на Клаудио Раниери.