Македонскиот свинг-џез бенд, „Летечки Пекинезери“ кои негуваат уникатен звук на свинг-џез правецот со други жанрови, водат на он-лајн натпреварот „Made in New York jazz“ во кој судии се еминентните личности од џез-музиката, како тапанарот Лени Вајт, саксафонистот Џо Ловано, и трубачот Ренди Брекер.
На натпреварот во кој музичари од целиот свет се натпреваруваат во категориите, инструментално соло, вокал соло, мал бенд, голем бенд, композитор, аранжман, и дигитална аудио лента, Летечки Пекинезери во категоријата „мал бенд“, со 40 гласови плус се на првото место, за разлика од второпласираните Микаел Восканијан и пријателите со 1578 гласа, и третопласираните Васил Хаџиманов бенд од Србија со 794 гласа.
Видеото со кое музичарите се натпреваруваат мора да има чиста слика и звук, а најмалку 80% од видеото треба да содржи суштински перформанс.
За поддршка на македонскиот бенд може да се гласа на официјалниот сајт на натпреварот.
Предвидениот рок за гласање завршува на 31 октомври.
Победникот од ова натпреварување ќе настапува на Џез Фестивалот во Њујорк.