Авионите од скопскиот аеродром „Александар Велики“ полетуваат непречено. Во моментот не е откажан ниту еден лет, потврдуваат за НОВА од скопскиот аеродром. Како што објави НОВА, авион со приватен комерцијален лет исчезнал од радарот во близина на скопскиот аеродром. Инфомацијата ја потврдуваат од МВР за НОВА.
Не е позната причината за исчезнувањето на авионот, но во скопскиот регион, а и во цела држава од ноќеска има интензивни врнежи од дожд.
Според првичните информации станува збор за мал авион кој стартувал од Тревизо, Италија а на скопскиот аеродром бил уредно најавен дека ќе слета за да наполни гориво.
Но во 17 и 40 часот, се губи од радарот на контролната кула на аеродромот „Александар Велики“.
Се работи за приватен италијански авион од марката „Пајпер“, со германски регистарски таблички со капацитет од шест патници.
Екипите на МВР се на терен и го бараат авионот.