На предвремените парламентарни избори кои се најавени за 11 декември, можноста на граѓаните за гласање ќе се зголеми за уште една политичка oпција. Новоформирана партија Левица најави учество на изборите.
-Ние, Левица, како нова партија, произлезена од протестите, без багаж од минатото, со нови, но сепак докажани луѓе во своите области, се стремиме да ја добиеме вашата поддршка. Доста ни беше владеење за свој џеб, доста ни беше богатењето врз грбот на народот, доста ни беше обесправување на работникот и газењето по неговото достоинство! Доста ни беа 25 години страдање, 25 години од која секоја нова година се живее полошо од претходната! Крајно време е да свртиме нов лист!
Затоа, да излеземе на изборите во декември и да гласаме и против режимот и против нашето осиромашување!, се вели во партиското соопштение.
Од партијата велат дека договорот на четирите партии – потписнички на Пржино не ги обезбедува сите услови за одржување на фер избори, меѓутоа според Левица, неопходен е обид, за како што велат оттаму победа на „режимот“.