Единаесет активисти на Левица со црни маици на кои беше одбележан нивниот партиски симбол, денеска со герила акција пред платото во меморијалниот комплекс „Могила на непобедените“ во Прилеп, го попречија проодот кон спомениците на Свеченоста по повод јубилејот 80 години од Денот на народното востание – 11 Октомври, во рамките на која се полагаа венци и свежо цвеќе од страна на бројни делегации од земјава и странство.
Тие дојдоа пред почетокот на свеченоста и останаа додека делегациите ги полагаа венците цвеќиња.
Кога дојде на ред премиерот да полага цвеќе придружуван од министерката Шахпаска, еден од Герила акцијата рече дека не му е тука местото на Заев и да оди по странски држави, Заев на ова му препорача да одат на психијатар, по што лицето од Левица возврати заедно да одат.
Моментот е по 5-тата минута од видеото.
Ова не е прва герила акција на Левица. Претходно нивни членови и активисти легнаа на црвениот килим на Филмскиот фестивал„ Браќа Манаки“ од каде ја испратија пораката , „Газете преку нас“ и така сме згазени.
Герила акцијата на Могила, не наиде на одобрување од граѓаните кои дојдоа да ја проследат манифестацијата, и кои се исчудуваа како левичарска партија, за каква што се декларира Левица, кон овој светол датум и државен празник се однесува на ваков начин.