Кандидатката за претседател на Франција, Марин Ле Пен ја откажа средбата со либанскиот Голем муфтија бидејќи од неа било побарано да носи марама.
Таа вели била изненадена што тоа било побарано од неа бидејќи кога се среќавала со муфтија од Египет во 2015 година, го направила тоа без марама на главата.
– Се сретнав со големиот муфтија на Ал-Ажар. Највисоката власт на Сунитите не бараше нешто такво. Кажете му на муфтијата дека го почитувам но никогаш нема себе да се покријам, изјави Ле Пен која е во Либан да лобира за изборите.
Портпарол на муфтијата вели на Французинката и било кажано дека ќе треба да носи марама за состанокот.
– Јас лично ја поздравив и и дадов бела марама но таа одби да ја прифати, вели за CNN, Калдун Авас.
Тој вели куќата на муфтијата жали за “несоодветното однесување“ на Ле Пен.
Од друга страна, по инцидентот, потпретседателот на партијата на Ле Пен, Националниот фронт се огласи на Твитер дека тоа значело порака за слобода.
„Во Либан, Марин одби да носи марама. Тоа е прекрасна порака за слободата и еманципацијата испратена до жените во Франција и целиот свет“, пишува Флоријан Филипо.
Во 2011 година, Франција забрани носење на бурки и било која марама која целосно го покрива лицето на жената.