Лидерите на земјите членки на ЕУ, денеска во Рим одбележаа 60 години од потпишувањето на Римскиот договор, со кој се удрени темелите на денешната Унија.
Државниците од 27 земји членки потпишаа и нова Римска декларација со која се обврзаа дека ќе работат во правец на „безбедна, просперитетна и одржлива социјална Европа, посилна на глобалната сцена“.
Впечатливо беше отсуството на британската премиерка, Тереза Меј, која во средата и формално со писмо до претседателот на Европскиот совет, Доналд Туск, најави излез на Велика Британија од ЕУ.
Претседателот на Европската комисија, Жан-Клод Јункер рече дека прославата без учество на Велика Британија е „многу тажен момент“.
Тој додаде дека Брегзит е трагедија за останатите 27 членки на ЕУ. Претседателот на Европскиот совет Туск ги повика лидерите да ја извлечат ЕУ од кризата.
„Денеска докажете дека сте лидери на Европа, дека можете да се грижите за ова големо наследство, кое сме го добиле од хероите на европската интеграција пред 60 години“, рече Туск во обраќањето.