Министерката за енергетика на Велика Британија, Андреа Лидсом се повлече од трката за нов лидер на Конзервативците, со што се отвора патот за министерката за внатрешни работи, Тереса Меј да го наследи Дејвид Камерон.
Како што вели Лидсом, таа не уживала голема поддршка за да води цврста и стабилна влада и затоа се повлекува.
На Меј пак и посака голем успех при имплементирањето на Брегзитот.
Лидсом воедно и се извини на Меј и за интервјуто во кое таа претходно порача дека е подобра кандидатка бидејќи е мајка, за разлика од Тереса Меј.
Меј потенцираше претходно дека е против Брегзит, апелираше на единство, истакнувајќи го своето лидерство и искуство, поради што смета дека е најдобар кандидат за британски лидер во периодот после Брегзит.
Резултатите од гласањата на 150.000 членови на Конзервативната партија за идниот лидер треба да бидат објавени на 9.септември.