Зоран Иванов
Тошковски да си го смени пишувачот на неговите говори за пресовите или да повежба повеќе реторика за да си ја смени својата скрипторика.
На катадневните прес конференциите чита како дете од трето одделение на школска приредба што упатува дека или тешко му оди сопственото пишување или ич не му лежи стилот на напишаното од пишувачот на напишаното.
Колку и да се труди, адвокатите сепак не се глумци. Ако не школа, тогаш за глума бар дарба му треба.
А ја нема.
Ја нема за глума ама ја има за глуматање партиско патриотска страсти.
За возење на јавноста да и го сврти вниманието од сопствената морална одговорност. Од одговорноста на сопартијците, исто.
Го препознаваат тоа тв гледачите.
Министерот на полицијата се репризира од прес на прес. Досадува со неинвентивноста, со грдите обиди за замајувања, за дефокусурања, за ишкање на мувата.
А несреќа му се случи и нему. Во мандатот и во ресорот му се случи ужасот на кичевската дискотека.
Негови актуелни, негови дневно активни одговорни државни службеници, негови полициски кадри, раководители назначени со негов потпис. И беа тие тоа, беа и активни и одговорни и на денот и на чинот на трагичниот кочански настан.
Оттука, неминовно ќе се покаже тоа и во претстојните правни постапки, дека некои од сега атрактивните приведувања и апсења, не само на оние директно одговорни за ужасната трагедија, туку и на оние за ланскиот снег, му биле само магловит обид да го истресе правот од себе и од својата партијата.
Чудни се јавните настапи.
Сложени и опасни.
Читливи и проѕирни.
Не ви верува јавноста кога не ја гледате в очи. Кога носот ви е во кабинетските листови.
Не ви верува.
Не ви верува кога ѕурите во текстот и кога петелчите читајќи го напишаното. Кога мачно се справувате со прес четиво во кое ниту има сложени бројки статистични, ниту децимали со многу градации, ниту некакви формули и сложени алгоритми.
Не верува јавноста на навежбани патетики. Баталете ги листовите и гледајте во камерите.
Поледнете не` в очи и кога кажувате содржини во кои и самите не си верувате.
Бар е тоа по фер.