Зоран Иванов
Се испотресе врвот на ДПМНЕ што прво Орданоски на Канал 5, после и Пендаровски на Сител, им ја џитнаа трампистичката кауза.
Фрчат партиски соопштенија, изјави, квалификации за нови предавници.
Навредени биле САД, нашиот најголем и најзначаен стратешки партнер.
Па добро бе ДПМНЕ, уште ли магли и правови. Завршија изборите.
Впрочем, вие ли ќе бркате предавници. Вие ли кои куп партиски челници со бугарски пасоши и лични карти ви висат на бандерите по селата пирински.
Сменете ја плочата. Веќе не поминува. И не доликува политика со сеење магли, со извртување зборови, со инкубаторско продуцирање предавници, со подметнувања клевети и со повторувања лаги.
Патем, човекот на новото нормално кого некритички го подржувате и величате, всушност ви е анти Американец.
Ќе видите што натаму времето ќе покаже.
Ајде малку повнимателно со слепата поддршка на неговата политика за да не испадне после дека предавници ќе сте вие.
Ајде повнимателно со наклоните спрема политиката на моќникот геноциден кој е подготвен да набрка два милиони деца, мајки и мажи од нивните историски домови во Газа.
Со оној колонијалист што сака да ја поништи Канада, да го окупира Гренланд и да ја приватизира Панама.
Да, да, со истиот тој кој аминува парчосување на Украина.
Тој ли ви е стратешкиот партнер.
Не бе дечки.
Трамп може да ви е партнер стратешки во симулацијата на неговото недемокраско, самобендисано и насилничко владеење.
Нам, на Македонија, стратешки партнер ни се САД, а не Трамп.
Дечки од ДПМНЕ, полека со предавниците.
Значи, нам, на Македонија, стратешки партнер ни се САД, а не Трамп.
Просто, САД, а не Трамп.