Зоран Иванов
Од Демир Хисар не бил, од Прилеп бил, од ваму бил, од таму бил.
Неважно е од каде бил, важното е каде е.
Дечкото адвокат, по народната, „од мајка роден е“.
Од таму е. Од мајка роден.
Од Мајка.
Плукнете се сите во тие ваши институции в лице.
Сите. Од курирот до началникот преку министерот до премиерот.
Сите.
Пред огледало или угоре па …
Плукнете се надлежни ако ова јавно не го истакнете.
Ако Гордана во Горица на кафе бар не го покани. За одличја …
Младиот адвокат Жаре Стеваноски е дете македонско.
Со дигнитет.
Воспитано домаќински.
Лилчност со образ.
Сопственик но видео, секоја чест и за „снимателот“, како доказ дека Македонија ќе ја биде.
Дека има такви.
Малкумина се ама бар ги има.
Уште ги има.
Секако, тешко ќе е со и во ваков политички амбиент.
До правдата и паравичноста ептен.
Речиси невозможно со, историски докажано ,корумптивна власт. Со власт популистичка и непотистичка.
Но, во случајов, на актуелната јавна макдонска општествена и политичка сцена, наспроти системот, е поединец.
Младиот адвокат сам наспроти системот партизиран, корумпиран и клиентилизиран.
Наспроти МВР, наспроти владата, наспроти власта и, жалосно, и наспроти молчеливиот и комформизиран македонски интелектуализам. Ако него воопшто и го има.
Тропа е работата со ваква наша Македонија.
Тропа.
Но, еве, ајде да видиме сега. Импулс има. Го даде адвокатот Жаре Стеваноски со ноќната видео драма во Демир Хисар.
Со драмата институционална, партизирана, исполитизирана, искриминализирана со директорката, со началникот полициски, со градоначалникот тамошен, со мајкаму ли, со, сестраму ли, со комшијата ли, неважно и сеедно.
Наспроти нив, наспроти таа партизирана бахатост од позиција на власт, се исправи и се спротивстави едно момче.
Еден дечко со образование, со знаење, со вештина и со образ.
Со образ.
Младиот адвокат Жаре Стеваноски кој, онака традиционално маалски, го подбра системов наш македонски.
Ово систем, еве пак, корумпирн, партизиран, непотизиран.
Како сево ова Демирхисарско ќе заврши, не зависи веќе од никого освен од јавноста македонска.
Ако ја има, секако.
Но еве и пооптимистички – можеби, наспроти партиската, нечија совест човечка, граѓанска, домаќинска, сепак ќе пукне.
Па, Панче, Христијан, … или?
Но добро, тогаш ајдете, барем колку за ука и за историјата, да запамтиме – дечкото се вика Жаре Стеваноски.
Нова тв.мк / 9 август 2025