Роднини, пријатели и членови на неговата партија, Обединети за Македонија, попладнево со аплауз и овации го пречекаа Љубе Бошковски во дворот на црквата Свети Никола во неговото родно село Челопек, пренесува Телма.
За неговиот излез од затвор во црковниот двор беше организиран и јавен пречек со музика, трпеза и веселба.
Поранешниот министер Бошковски порача дека со неговото ослободување ќе дојде и слободата во Македонија, а им се заблогодари на сите кои за време на неговиот престој во Идризово му давале поддршка.
– Ќе се потрудам во наредниов период да ја презентирам вистината, затоа што за мене на македонската политичка сцена во изминатите 5 години се појавија многу заблуди, изјави Бошковски.
Бошковски од затворот Идризово беше ослободен вчера, откако одлежа 5 годишна затворска казна, обвинет дека незаконски ја финансирал изборната кампања за неговата партија.