„Независно дали станува збор за рамковни вработени или постоечки вработени, нема по секоја цена да се дозволи некој да ја разруши сликата за една институција. Во сите институции ќе се прави контрола, доколку вработените не ги покажат резултатите ќе мора да се поздравиме со нив. Ниту еден директор не би сакал да има дамки во неговото работење“ изјави новата заменичка претседателка на СДСМ и директорка на УЈП, Сања Лукаревска во нејзиното гостувње на „24 анализа“.
„Не е во ред луѓе да земаат плата, а да не работат. Проблемот со рамковните вработени е наследен проблем, кој што оваа влада смогна сили и на одреден начин и во одрена рамка го реши“ кажа Лукаревска.
Таа додаде дека вработени со несоодветно образование има во повеќето државни институции и тие се наследени од претходните раководства.
„Во УЈП имаме недостаток на кадар. Имаме сензитивни надлежности за работа и не секој може да одговори на тие предизвици. Ние навлегуваме во нови процеси на функционирање на целиот систем и нас и овие рамковни работувања нема да ни се доволни да го исполниме целиот капацитет. Долго време во УЈП не се примани луѓе на неопределено време“ кажа Лукаревска.