Претседателот на Венецуела, Николас Мадури вчера им наредил на тројца американски дипломати да ја напуштат неговата земја, обвинувајќи ги за заговор против неговата Влада.
Соопштението доаѓа откако американскиот Стејт департмент изрази загриженост за состојбата со аферите во Венецуела.
Тројца анти-владини демонстранти загинаа во судирите минатата недела во Каракас, а властите издадоа налог за апсење на лидер на опозиција под обвиненија за заговор и убиство.
„Длабоко сме загрижени за растечките тензии, од насилството на протестите на 12 февруари и за налогот за апсење на опозицискот лидер Леополдо Лопез“, изјави Мари Харф, портпаролка на Стејт департментот.
На тоа, венецуелското Министерство за надворешни возврати кон администрацијата на Обама.
„Владата на САД лаже…светот мора да знае дека има доволно докази дека групите кои предизвикаа насилства изминатите денови, беа под раководство на Леополдо Лопез“, се вели во соопштението на венецуелското Министерство.
Партијата на Лопез пак ја обвини Владата за насилствата на протестите. Во видео прикачено на ЈуТјуб, Лопез повика на нови анти-владини демонстрации и вети дека ќе излезе пред Министерството за правда на Венецуела.
„Според наводите, сакаат да ме видат како затвореник. Ќе бидам таму, немам од што да се плашам. Не сум извршил никаков криминал. Јас сум бил Венецуелец посветен на земјата, на нашиот народ, на нашиот Устав и нашата иднина“, изјави Лопез.
„Доколку има некаква одлука за нелегално затворање, ќе бидам таму за да ја преземам оваа срамна одлука на државата“. Тој ги повика демонстрантите на мирни протести.