Published: Monday, April 15, 2013 10:44
Николас Мадуро, наследникот на Хуго Чавез, извојува тесна победа над кандидатот на опозицијата Енрике Каприљес, на претседателските избори кои се одржаа вчера, соопшти Државната изборна комисија на Венецуела.
Мадуро освоил 50,66 отсто од гласовите на електоратот, додека за гувернерот на сојузната држава Миранда, Каприљес гласале 49,07 отсто од гласачите.
Државната изборна комисија на Венецуела соопштила дека се пребројани 99 отсто од гласовите и дека не може да има промена во изборните резултати.
Мадуро освоил 235 илјади гласови повеќе од Каприљес, кој одбил да го признае поразот и побарал повторно пребројување на гласовите.