Поглаварот на Римокатоличката црква, Папата Франциско ја прогласи Мајка Тереза за Светица. Во тек е процесијата околу канонизацијата на светицата Мајка Тереза, а Папата пред граѓаните читаше од светата книга на мудроста.
Следете ја церемонијата во живо
Десетици илјади се собраа на церемонијата на плоштадот „Св. Петар“ да ја проследат мисата и канонизацијата. Кардиналот Ангело Амато прочита кратка биографија за делото на Мајка Тереза, а потоа побара од папата да ја канонизира во името на црквата.
„По честите молитви за божествена помош и по долго советување со многу од нашите браќа епископи, ја прогласуваме и дефинираме Блажената Тереза од Калкута да биде светец и ја запишуваме меѓу светите, барајќи таа да биде почитувана од страна на целата црква“, рече Папата.
Настанот го следат бројни медиумски екипи од светот, стотици сестри од сестринствoто кое го основаше Мајка Тереза, 13 државни делегации меѓу кои и македонската предводена од претседателот Иванов, а во која се и премиерот Димитриев и партиските лидери Груевски и Заев и внукот на Мајка Тереза.
Македонија, Албанија и Индија во Ватикан имаат посебно место на свеченоста, како земји на нејзиното раѓање, потекло и мисија.
Речиси 1. 500 бездомници ширум Италија се донесени во Рим во чест на прославата.
Две чудa во излекување на болест по нејзината смрт во 1997 година се припишуваат благодарение на нејзините молитви.
Папата Јован Павле Втори го призна нејзиното прво чудо, излекување на Индијката Моника Бесра во 1998 година со наод тумор во стомакот. Пет години подоцна, Папата Францис го призна второто чудо на Мајка Тереза поврзано со нејзината моќ за исцелување, необјасниво лекување на маж од Бразил од неколку мозочни тумори во 2008 година, додека тој бил во кома.
Мајка Тереза е родена е во Скопје под името Агнеза Гонџа Бојаџиу. Уште на возраст од 12 години таа се одлучила да живее како калуѓерка. Живеела со најсиромашните во предградијата на Калкута. Како основач на редот Мисионери на милосрдието, се посветила на добротворна работа помагајќи им на болните и сиромашните луѓе, поради што во 1979 година ја добиНобеловата награда за мир.
Според Католичката црква нејзината светост е во тоа што во дело ги спроведувала зборовите божји и што се посвети на најзагрозените групи во општеството.
Сепак, критичарите ја оспоруваат нејзината чудотворност велејќи дека таа е се, само не и светица, критикувајќи ги трошењата на донациите, силниот став против абортусот, верата во духовната оправданост на сиромаштијата и наметливото крштевање на оние кои се пред умирање.