За да може ЕСМ максимално да произведува електрична енергија потребно е да се премине кон набавка на јаглен веднаш за да не биде доцна после во текот на зимата и треба државата финансиски да помогне доколку е тоа потребно, предупредија Македонската енергетска асоцијација (МЕА), по седницата на која беше разгледана енергетската состојба во пресрет на претстојната зимска сезона.
„Да се обезбеди мазут за вклучување на ТЕЦ Неготино бидејќи согласно постојните цени на електричната енергија и на мазутот, цената од ТЕЦ Неготино е околу 250 евра по мегават час, наспроти пазарната цена која во моментот е 350 евра, а во претстојниот зимски период се очекуваат и повисоки цени. Да се разгледа можноста ТЕ-ТО да биде во функција цела година, бидејќи е многу важно да се има домашно производство не само во услови за да има стабилност туку и за услови доколку се случи затворање на границите и на cross border протокот (преку граничниот проток на електрична енергија). Доколку нема домашно производство многу извесно е дека ќе се случат рестрикции со цел заштеда на електрична енергија“, велат од МЕА.
Од МЕА (Македонска енергетска асоцијација) велат дека во моментот во нашата земја има 40 до 45 мегавати фотоволтаици што се инсталирани или се инсталираат, но чекаат на приклучок на мрежа. За таа цел се бара ЕВН и сите кои што се одговорни да ги приклучат во најбрз можен рок.
„Нема економска оправданост да има инсталирани фотоволтаици а истите да не се ставени во функција само затоа што не се приклучени на мрежата. Истовремено, сите тие имаат дозвола за приклучок но поради административни пречки нивното приклучување не се реализира“, истакнуваат од енергетската асоцијација на чие чело е поранешниот вицепремиер Кочо Анѓушев.
За да може да се обезбедат нови количини на мазут потребно е да се пушти продажбата на слободен пазар, односно да се тргне од листата на регулирана цена, побараа од енергетската асоцијација.
„Се додека мазутот го држиме по регулирана цена, истиот тешко ќе се набави, а подоцна може да има и недостиг на пазарот“, порачуваат од таму.
Анализите велат дека уредбата што ја имаше донесено Владата во услови на кризна состојба, бараше произведената електрична енергија од повластените производители да оди само кониндустријата а не и кон домаќинствата, со што се овозможуваше индустријата да обезбедува од 15отсто до 17 отсто од потребите за енергија од домашни обновливи извори, чија цена беше помеѓу90 и 110 евра. Тоа беше и единствена мерка за поддршка на индустријата во делот на набавка на енергенси со поповолни услови. Со укинување на таа уредба енергијата произведена одобновливи извори наменета за индустријата се намали за цели 8 процентни поени и сега изнесува од 6 до 7 отсто, што значи со губењето на енергија од обновливите извори за потребите на индустрија производните трошоци на компаниите ќе растат.
Од тие причини МЕА бара Владата да ја врати уредбата која беше во функција во услови на прогласена кризна состојба со која целокупната произведена енергија од обновливи избори беше насочена само за индустријата. (Р.Н.)