Вчерашната изјава на бугарскиот премиер Кирил Петков дека „македонско малцинство во неговата земја не постои“, ги дигна на нозе, здруженијата на Македонците во оваа земја со остра реакција и кон него и кон Европската Унија. Тие прашуваат: „Колку е апсурдно чувството да се кажуваат очигледни лаги во кои никој освен измамените граѓани на Бугарија не веруваат?“
– Ова е последната тоталитарна политика во ЕУ и како таква е бугарски срам за Европа, велат Македонците од здружението ОМО Илинден Пирин кои досега во повеќе наврати добиле пресуди од Европскиот суд за човекови права во Стразбур во нивна корист.
– Негирањето на македонското малцинство во Бугарија е срам за бугарската држава и демократија. За жал, во Бугарија лагата е претворена во национално достоинство, беззаконието во ред, кршењето на човековите права во морал, асимилацијата и дискриминацијата во животни работи. Колку побрзо Бугарија се ослободи од лагата дека ги немаме останатите наши свети лаги за Македонија и Македонците, толку подобро ќе биде и за неа и за сите граѓани на Бугарија и на Балканот. На премиерот му посакуваме брзо закрепнување од овој срам и од оваа болест! Вакцина против тоа е вистината. Друго нема, децидни се од организацијата на Македонците во Бугарија.