После девет дена неизвесност по малезискиот авион Лет 370, работите во целина стануваат многу потешки во потрагата.
“Значајно се зголемува пребарувањето,” изјави министерот за транспорт на Малезија Хишамуди Хусеин во недела. “Бројот на земји кои се вклучени во операцијата за наоѓање и спасување се зголеми од 14 до 25, што носи нови предизвици за координација и дипломатија за напорите на пребарување .”
Новите случувања дојдоа откако американските разузнавачки официјални лица се приклонуваат кон теоријата дека “оние во пилотската кабина” – капетанот и ко-пилот на Малезија ерлајнс летот 370 – се одговорни за мистериозното исчезнување на комерцијалниот џет, изјави за Си-Ен-Ен еден американски официјален претставник со директно познавање на најновите разгледувања на ситуацијата.
Други сценарија се уште може да се појават. Идејата за киднапирање не е исклучена можност, рече официјалниот претставник на саботата.
Иследниците се ‘уште го истражуваат минатото и бекграундот на патниците да се види дали некои од нив биле всушност обучени пилоти.
“Постојат уште неколку земји кои допрва треба да одговорат на нашето барање за позадинска проверка “, рече Калид Абу Бакар, генерален инспектор на Кралската малезиска полиција. “Но, постојат неколку … странски разузнавачки агенции кои ги проверија сите нивни патници и рекоа дека се чисти.”
Малезискиот премиер Наџиб Разак, изјави за новинарите во саботата дека авионот скршнал од својот курс поради очигледно намерно дејство преземено од некој во авионот.