Седумгодишниот генијалец од Тетово кој победи на натпревар по математика во кој учествуваа 4.000 учесници во 22 земји, ги доби златните медали од натпреварот и се фотографираше со нив.
На седумгодишниот Македон Димитровски му беа врачени златните медали што ги освои на натпреварот „Математика без граници“, а гордите родители ги споделија фотографиите на социјалните мрежи.
Димитровски е седумгодишен генијалец од Тетово, кој говори повеќе јазици меѓу кои германски, англиски, кинески и арапски, а решава математички задачи наменети за втора година средно образование. Тој неодамна одржа лекција по историја и географија, што стана хит на социјалните мрежи.
Според првичните процени малиот тетовец има IQ 134, а се очекува со текот на возраста да порасне на 145 – 150.