Поплавите, штетите и одговорноста беа главна тема на денешните советнички прашања на седницата на Советот на Град Скопје. Дамјан Манчевски од СДСМ повторно побара оставка од градскиот татко, како најодговорен за материјалната штета и бројот на жртвите.
„Како најдовте пари за панорамско тркало, за жални врби, најдовте пари за пет споменици и од Здружението за духовно обединување на Сетинци, Попадинци и Крушоради. Донираше нешто ова здружение сега? Се јавивте да побарате? Или споменик ќе треба да им направиме? Ваша е договорноста затоа што ништо не направивте, ништо не вложивте во инфраструктурата.“, му се обрати Манчевски на градоначалникот Трајановски.
Градоначалникот му одговори:
„Немојте се што се движи и постои во Скопје, да му го префрлате на Градот Скопје. Проценети се ризиците, меѓутоа надлежностите за извршување на тие ризици се поделени меѓу Град Скопје, општините и државата. Ние надлежни сме за каналите кои што се во урбаниот дел, а најголемиот дел од поплавата беше во руралниот дел.“, му врати Трајановски.
Во видеото дел од дебатата меѓу Манчевски и Трајановски.