На сите кои се прашувале како е можно манекенките да бидат толку тенки, одговор им понуди поранешната уредничка на австралискиот „Вог“ Кристи Клементс. Таа одлучи да открие многу мрачни тајни на модниот бизнис, во својата шокантна книга „Вог фактор“. Откако беше отпуштена по 25 години во „Вог“, Клементс одлучи да ги стави на хартија сите валканици на модната индустрија.
Една од најшокантните работи за коишто таа пишува е дека видела како манекенките пред ревиите јадат хартиени марамчиња зашто така се чувствуваат најадени, без да внесат „непријателски калории”.
„Постои категорија „слаби“, но постои и „париско слаби“, што всушност значи остојба на анорексичност, кревкост и коски што изразито се гледаат низ кожата. Тоа за повеќето од врвните манекенки претставува идеал за убавина“ , вели Клементс.
Потсетувајќи се на едно модно снимање во Мароко, Клементс напишала дека за време на тридневневниот престој, таа ниту еднаш не ги видела манекенките да јадат. Последниот ден од снимањето, манекенката едвај стоела исправена и едвај ги држела очите отворени, сведочи поранешната уредничка на „Вог“.
Таа открива и тоа дека дознала дека многу манекенки, својата витка става ја должат на шишињата со инфузии кои ги добиваат со денови пред ревиите.
„Така, една руска манекенка со драматичен режим на диета која подразбирал да прима исклучиво инфузија, станала она што се нарекува „фит манекенка“ модел чие тело дизајнерите го користат за првично пробување на своите креации “, пишува Клементс.
За бизарите, брутални тајни вистини на не баш толку гламурозната професија на манекенките, Клементс одлучи да проговори, протестирајќи против медиумскиот магнат Руперт Мардок, во чија сопственост е и списанието „Вог“, каде што таа работела 25 години, од кои 13, како главен уредник.