Ко-пилотот на урнатиот авион на Француските Алпи на компанијата Германвингс, “го забрзал слетувањето во намерен обид да се уништи авионот”, вели обвинителот од од Марсеј, Брис Робин, јавува Си-Ен-Ен.
Оваа последна вест доаѓа после мистеријата и прашањето зошто и дали пилот намерно бил заклучен надвор од пилотската кабина, неможејќи да влезе во кабината, додека ко-пилотот бил сам, после што се урна во француските Алпи.
Аудиото од пилотската кабина на авионот открива дека еден од пилотите се обидувал да ја сруши вратата во пилотската кабина минути пред ударот, објави Њујорк Тајмс, цитирајќи официјален претставник вклучен во истрагата.
“Ако сето ова е вистина, всушност, тоа звучи како тој намерно да бил заклучен, а тоа е застрашувачки”, изјави за Си-Ен-Ен аналитичарот на воздухопловството Лес Абенд.
Друга авијациски експерт рече дека веста е “многу мрачно интонирана”.
Ко-пилот, Андреас Лубиц , беше жив до конечниот пад, додаваат марсејскиот обвинител, како што јавува Би-Би-Си.
“Слушаме како пилотот побарал од ко-пилотот да ја преземе контролата на авионот и слушаме во исто време звук на седиште кое се движи наназад и звук на затворање на вратата”, изјави Робин новинарите.
“Во тој момент, копилотот го контролира авионот сам. Додека тој е сам, копилотот ги притиска копчињата на системот за следење на летот за да почне спуштањето на авионот.
“Оваа акција на контролите, на надморска височина може само да биде намерна”, вели марсејскиот обвинител.
Ербас 320 од Барселона до Диселдорф се урна во планина, при што загинаа 150 лица, по осум минути слетување.