Стотици граѓани на различна возраст во моментот се пред Специјалното јавно обвинителство на мирен собир изразуваат подршка за работата на обвинителите и извикуваат „Мафија во робија“, јавува новинарката на НОВА, Славица Филиповска. Дел од демонстрантите носат маички и транспаренти на кои пишува СЈО, а собирот станува се помасовен.
Зградата во која се наоѓа СЈО е под силно полициско обезбедување и се слушаат постојани скандирања и ракоплескања за обвинителите.
Во моментот на разглас се слуша „Подршка за СЈО“.
Ова е втор собир пред обвинителството, откако претседателот Иванов објави аболиција за 56 политичари. Ваквата одлука на Иванов практично ги ослободува сите функционери за кои СЈО отвори предистражна постапка што според демонстрантите е неприфаливо.