Maж од Росоман пријавил дека е тепан од сопругата

Росоманец пријавил физички напад од сопругата, информира денеска портпаролот на СВР Велес, Верољуб Додевски.

– Вчера во 10.05 часот во ОВР Кавадарци, 43-годишен жител од Росоман пријавил дека претходната вечер околу 23.30 часот во семејниот дом, по кратка расправија, бил физички нападнат од неговата сопруга на возраст од 36 години, појасни Додевски.

Тој додаде дека по целосно документирање на случајот, ќе биде поднесена соодветна пријава.