Околу 200 литри медицински алкохол за потребите на ЈЗУ Општа Болница “Борка Талески“ во град Прилеп, донираше винаријата “Лозар“ Велес и Благоја Механџиски. Вкупно 700 литри алкохол за медицински потреби беа донирани и на Клиниката за инфективни и фебрилни состојби во Скопје, таму каде што во овој момент е најпотребен.
Донацијата ја прими градоначалникот на Општина Прилеп доктор Илија Јовановски во присуство на директорот на ЈЗУ Општа Болница “Борка Талески“ д-р Драги Богојески.
„Во ова време на пандемија на коронавирус, кога најмногу ни е потребно дезинфиционо средство во право време и на вистинско место пристигна оваа донација сигурен сум на задоволството на вработените во болницата, а уште повеќе на пациентите на кои вистински им е потребен“,истакна градоначалникот на Општина Прилеп Д-р Илија Јовановски.
Околу 700 литри алкохол како неопходно и дефицирано средство за медицински потреби беше дониран и на Клиниката за инфективни и фебрилни состојби во Скопје.
Исто така, 50 литри алкохол за медицински потреби беа донирани и во ЈЗУ „Општа Болница“ во Дебар, градот кој беше првото жариште на КОВИД- 19 во државата. Донацијата ја прими директорот на болницата д-р Баки Алили и Фатон Асани кој има посебни заслуги во борбата против КОВИД-19 во оваа општина.