Таканаречениот претседател Ѓорѓе Иванов е на директен начин клучниот предизвикувач на ерупцијата на политичката криза по објавувањето на аболицијата на 12.април, изјави денеска пратеничката од ДУИ, Ермира Мехмети образложувајќи го приклучувањето на ДУИ во постапката за импичмент на Иванов која ја поведе СДСМ.
– Со таквата контроверзна одлука тој го прегази Уставот, ги погази законите и се повика на закон кој што е поништен во Собранието на Република Македонија, но што е најстрашно од се за еден професор, тој прегази две клични начела во правото: пресумпцијата на невиност и правото на фер судење, изјави Мехмети.
Таа вели клучво за партијата ДУИ е каде е т.н претседател, односно никогаш не се соочил со одлуката која ја донел.
– Кога тоа би била една легитимна, правична одлука, тој како претседател на сите би се одважил, и не би дозволил власта и опозицијата да се надмудруваат кој има мнозинство во Комисијата, туку би дошол овде и би ја образложил одлуката за која повеќе пати рече дека била правична, дополни Мехмети.
Како што вели таа, бруката која и се случува на Македонија е директна последица на Иванов.
А Иванов денеска во обраќање кон јавноста, ја соопшти својата одлука дека аболицијата ја укинува за 22 истакнати политичари, притоа уверувајќи дека се уште смета дека ја донел одлуката со цел да и се стави крај на политичката криза во земјава.
По неговата одлука донесена на 12 април, меѓународната заедница најсотро реагираше дека принципот на неодговорност не соодвестува со меѓународното сфаќање за владеењето на правото.