Тројца луѓе загинаа и најмалку 20 се повредени по денешниот напад во централен Лондон кога кога влета во собрана група граѓани а потоа беше прободен со нож и полицаец во британскиот Парламент.
Нападот се случува на точно една година по терористичките напади во Брисел во 2016.
Помеѓу тројцата убиени има еден полицаец, а убиен е и напаѓачот.
Отворена е истрага на безбедносните служби за тероризам, а се трага и по мотивите за немилиот настан.
Британската премиерка, Тереза Меј го опиша нападот како “болен“, и потенцираше дека секој обид за тероризам однапред треба да се знае дека ќе пропадне.
– Локацијата на овој напад не е случајна. Терористот одбра да нападне во срцето на нашиот главен град, каде што луѓе од најразлични националности, религии и култури ги слават вредностите како слободата, демократијата и слободата на говорот, изјави Меј.
Веднаш по нападот, Парламентот и околниот реон беа пломбирани од службите за безбедност, а стотина луѓе беа евакуирани.
Според полицијата, официјално, нападот започнал неколку минути пред 16 часот кога кола влетала во пешаци на Вестминстер мостот. Колата удрила многу луѓе, помеѓу нив и тројца полицајци.
Потоа истата се упатила кон Парламентот кој е во непосредна близина и еден напаѓач со нож се обидел да влезе во седиштето на пратениците.
Бидејќи истрагата ќе се води се додека не се утврдат причините и можноста од повторување на ваквите напади, полицијата побара од сите кои поседуваат фотографии или видеа, а кои биле во реонот за време на случувањата, да ги достават до нив.